(ភ្នំពេញ)៖ ដោយទទួលបានការអនុញ្ញាតពីសំណាក់ ឯកឧត្តម អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. រសៀលថ្ងៃអង្គារ ទី៥ ខែមេសា ឆ្នាំ២០២២ នេះ ឯកឧត្តម ហេង សុផាន់ណារិទ្ធ អគ្គនាយករង ប.ស.ស. បានដឹកនាំមន្រ្តីជំនាញជាច្រើនរូបចូលរួមប្រជុំពិភាក្សាជាមួយលោកវេជ្ជ. Mickael Le Paih អ្នកសម្របសម្រួលលេខាធិការដ្ឋានជំងឺរលាកថ្លើមប្រភេទសេ នៃអង្គការគ្រូពេទ្យគ្មានព្រំដែន (MSF) ដើម្បីពិនិត្យ និងពិភាក្សាពាក់ព័ន្ធនឹងការទទួលបានការថែទាំជំងឺរលាកថ្លើមប្រភេទសេ កញ្ចប់ថែទាំសុខភាព និងយន្តការហិរញ្ញប្បទានគាំពារសង្គម។ តាមរយៈប្រព័ន្ធអនឡាញ។
កិច្ចប្រជុំពិភាក្សាខាងលើនេះ ប្រព្រឹត្តទៅនៅសាលប្រជុំក្រុមប្រឹក្សាភិបាល ស្នាក់ការកណ្ដាល ប.ស.ស. រាជធានីភ្នំពេញ ដោយមានការចូលរួមពីថ្នាក់ដឹកនាំ មន្ត្រីជំនាញ ប.ស.ស. និងតំណាងអង្គការគ្រូពេទ្យគ្មានព្រំដែន (MSF) ជាច្រើនរូប។
