ឯកឧត្តម ម៉េង ហុង ប្រតិភូរាជរដ្ឋាភិបាល ទទួលបន្ទុកជាអគ្គនាយកបេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ នាព្រឹកថ្ងៃទី១៦ ខែសីហា ឆ្នាំ២០២៤ នេះបានអញ្ជើញជាគណៈអធិបតី ក្នុងពិធីសម្ពោធសាខាបេឡាជាតិសន្តិសុខសង្គម និងមជ្ឈមណ្ឌលការងារនៅផ្សារទំនើប អ៊ីអនម៉ល សែនសុខ ស៊ីធី និងពិព័រណ៍ការងារ និងមគ្គទេសក៍អាជីព ក្រោមអធិបតីភាពលោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការ តំណាងដ៏ខ្ពង់ខ្ពស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ។
ក្នុងឱកាសអញ្ជើញចូលរួមក្នុងកម្មវិធីសម្ភោធខាងលើ ឯកឧត្តមប្រតិភូរាជរដ្ឋាភិបាល ក៏បានផ្តល់បទសម្ភាសន៍ជាមួយអ្នកសារព័ត៌មានរបស់ស្ថានីយ៍ទូរទស្សន៍ BTV ស្តីពីអំពីការពង្រីកសាខា ប.ស.ស. ថ្មីនៅផ្សារទំនើបអ៊ីអនម៉ល សែនសុខ ស៊ីធី ក៏ដូចជាបង្ហាញអំពីវឌ្ឍនភាពនៃការអនុវត្តរបបសន្តិសុខសង្គមនៅកម្ពុជាផងដែរ៕